പഞ്ചവടി ഹനുമാൻ ക്ഷേത്രം
പോണ്ടിച്ചേരി ടൗണിൽ നിന്നു 9KM അകലെ ആണ് പ്രസിദ്ധമായ പഞ്ചവടി ഹനുമാൻ ക്ഷേത്രം. 14 വർഷത്തെ വനവാസ കാലത്തു ശ്രീരാമനും സീ പഞ്ചവടി ഹനുമാൻ ക്ഷേത്രം തയും ലക്ഷ്മണനും താമസിച്ചിരുന്ന സ്ഥലമാണ് ഇതെന്നാണ് ഇവിടുത്തുകാർ പറയുന്ന ഐതിഹ്യം.രാവണൻ സീതയെ തട്ടി കൊണ്ടു പോയെന്നു പറയപെടുന്നതും ഇവിടെ നിന്നാണ്. അങ്ങനെ വരുവാണേൽ ജടായു ചിറകറ്റു വീണു എന്നു പറയപ്പെടുന്ന ചടയമംഗലത്തിന്റെ കഥയിൽ യുക്തി ഇല്ലാതെ ആകുന്നു. എന്തായാലും രാവണൻ സീതയെ തട്ടി കൊണ്ടു പോയ ശേഷം ശ്രീരാമൻ കിഷ്കിന്ധയിൽ ( ഇപ്പോഴത്തെ കർണാടകയിലെ ഹംപി ) എത്തുകയും സുഗ്രീവന്റെ സഹായത്തോടെ തെക്കോട്ടു സഞ്ചരിച്ചു രാമേശ്വരത്തു എത്തുകയും ശ്രീലങ്കയിലേക്ക് രാമസേതു പണിഞ്ഞു എന്നൊക്കെയാണ് രാമായണത്തിലെ തുടർച്ച.
36 അടി വരുന്ന ഒരു ഗ്രാനൈറ്റ് കല്ലിൽ പണി കഴിപ്പിച്ച ഹനുമാൻ വിഗ്രഹം ആളാണ് ഇവിടുള്ളത്. ലോകത്തു തന്നെ സമാനമായ മറ്റൊരു മാതൃക ചൂണ്ടി കാണിക്കാനില്ല. ക്ഷേത്രത്തിന്റെ മുന്നിൽ ഒരു ജല സംഭരണിയിൽ ഒരു കല്ല് ഇട്ടു വച്ചിട്ടുണ്ട്. അതു ജലത്തിൽ പൊങ്ങി കിടക്കുന്നു. ആ കല്ലിനു 14KG ഭാരം ഉണ്ടെന്നും രാമസേതു പണിയാൻ ഉപയോഗിച്ച കല്ലാണ് അതു എന്നാണ് അവിടെ ഒക്കെ പറയപ്പെടുന്നത്. അതു പോലെ തന്നെ മറ്റു ആഞ്ജനേയ ക്ഷേത്രങ്ങളിൽ നിന്നെല്ലാം വ്യത്യസ്തമായി പഞ്ചമുഖ ഹനുമാൻ വിഗ്രഹം ആണ് ഇവിടുള്ളത്. ഹനുമാന്റെ വിശ്വരൂപമാണ് ഇതെന്ന് പറയപ്പെടുന്നു.രാമായണത്തിലെ പ്രധാന സംഭവങ്ങൾ ക്ഷേത്ര ചുവരിൽ ആലേഖനം ചെയ്തിട്ടുണ്ട്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ