തെന്‍മല ഇക്കോ ടൂറിസം പദ്ധതി
==============================================================
ഇന്ത്യയിലെ ആദ്യത്തെ ഇക്കോ ടൂറിസം പദ്ധതിയാണ് തെന്‍മലയിലേത്. ഇവിടുത്തെ ജൈവവൈവിധ്യവും ടൂറിസം സാധ്യതകളുമാണ് ഇത്തരത്തിലൊരു പ്രൊജക്ടിന് പിന്നിലെ പ്രജോദനം. പ്രൊജക്ടിന്റെ ഭാഗമായി തെന്‍മലയെ അഞ്ച് മേഖലകളായി തിരിച്ചിട്ടുണ്ട്. ഓരോ മേഖലയും ഓരോ തരത്തില്‍ വ്യത്യസ്തവും മനോഹരവുമാണ്. ചില മേഖലകള്‍ പ്രകൃതിസൗന്ദര്യത്തിന് പ്രാധാന്യം കൊടുത്തിരിക്കുന്നതാണ്, എന്നാല്‍ ചിലത് വനവിഭവസംരക്ഷണത്തിനും മറ്റുചിലത് സാഹസിക വിനോദങ്ങള്‍ക്കുമായി തയ്യാറാക്കിയിരിക്കുന്നതാണ്. ഇവിടുത്തെ സാംസ്‌കാരിക മേഖലയില്‍ ഒരു ആംഫി തീയേറ്ററും ്‌സ്ത്രീകള്‍ നടത്തുന്ന വിവിധ ഉല്‍പ്പന്നങ്ങളുടെ സ്റ്റാളുകളുമുണ്ട്. പിന്നെയൊരു സംഗീതജലധാരയും. സാഹസിക വിനോദങ്ങള്‍ക്കുള്ള മേഘലയില്‍ കാലത്ത് 9മുതല്‍ വൈകീട്ട് 5 മണിവരെയാണ് ഇവിടെ പ്രവേശനം. ട്രക്കിങ്ങിനായുള്ള പ്രകൃതിദത്ത ട്രെയിലുകളും നടപ്പാതകളും, താമരക്കുളവും, ബൈക്കിങ്ങിനും റിവര്‍ ക്രോസിങിനും റോക്ക് ക്ലൈമ്പിങ്ങിനുമെല്ലാമുള്ള സൗകര്യവും ഇവിടെയുണ്ട്. മനോഹരമായ ശില്‍പങ്ങള്‍ ഒരുക്കിവച്ചിരിക്കുന്ന ഒരു ഭാഗവും സ്വെ ബ്രിഡ്ജും ഇവിടെയുണ്ട്. മറ്റൊരു മനോഹരമായ കാഴ്ചയാണ് ഇവിടുത്തെ മാന്‍ പാര്‍ക്ക്. പുള്ളിമാനുകളും കലമാനുകളുമുള്‍പ്പെടെയുള്ള വിവിധ തരത്തില്‍പ്പെട്ട മാനുകളെ പുനരധിവസിപ്പിക്കുന്ന സ്ഥലമാണിത്. ഇതിനടുത്തുതന്നെ കുട്ടികള്‍ക്കായുള്ള ഒരു ഇക്കോ പാര്‍ക്കുമുണ്ട്. പാര്‍ക്ക് കാണിയ്ക്കാന്‍ ഇവിടെ ജീവനക്കാരുണ്ട്, എല്ലാകാര്യങ്ങളും അവര്‍ പറഞ്ഞുതരും. പാര്‍ക്ക് ചുറ്റിക്കാണുകയെന്നത് മനോഹരമായ അനുഭവം തന്നെയാണ്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ