ചട്ടമല
കാസർകോഡ് ജില്ലയിൽ അധികമാർക്കും അറിയപ്പെടാത്ത ഒരിടമാണ് ചട്ടമല. ചിറ്റാരിക്കാലിൽ നിന്നും അഞ്ച് കിലോമീറ്ററിനുള്ളിൽ അകലെ സ്ഥിതി ചെയ്യുന്ന ഈ സ്ഥലം ഗൂഗിൾ മാപ്പിൽ കാണാൻ പോലും ഇല്ലെങ്കിലും മലയോരത്തു നിന്നുമുള്ള ആളുകളുടെ പ്രധാന യാത്ര പഥങ്ങളിലൊന്നാണ്. ഫോർ വീലർ ജീപ്പിനു മാത്രം കയറി പോകാൻ പറ്റുന്ന റോഡും കുത്തെയുള്ള കയറ്റവും ഒക്കെ കയറി മലയുടെ മുകളിലെത്തിയാൽ അങ്ങ് അറബിക്കടൽ വരെ കാണാം എന്നാണ് പറയുന്നത്.
ആനയടിക്കുത്ത് വെള്ളച്ചാട്ടം
ഇടുക്കിയിൽ അധികമാർക്കും അറിയപ്പെടാതെ കിടക്കുന്ന കിടിലൻ സ്ഥലങ്ങളിലൊന്നാണ് ആനയടിക്കുത്ത് വെള്ളച്ചാട്ടം. തൊടുപുഴയ്ക്ക് സമീപം സ്ഥിതി ചെയ്യുന്ന ഈ വെള്ളച്ചാട്ടത്തിന് ഈ പേരു കിട്ടിയതിനു പിന്നിൽ രസകരമായ ഒരു കഥയുണ്ട്. ഒരിക്കല് രണ്ട് ആനകള് തമ്മിലുള്ള ഏറ്റുമുട്ടലില് ഒരാന കാല്വഴുതി ഇവിടെ വീണു മരിച്ചുവത്രെ. ആന ചാടിയതിനാല് ഈ വെള്ളച്ചാട്ടം ആനച്ചാടികുത്ത് എന്നാണത്രെ പിന്നീട് അറിയപ്പെട്ടത്. ആനയടിക്കുത്ത് എന്നും ഈ വെള്ളച്ചാട്ടം അറിയപ്പെടുന്നു. പുറമേ നിന്നുള്ള ആളുകൾ വളരെ അപൂർവ്വമായി മാത്രം എത്തിച്ചേരുന്ന ഇവിടം പ്രദേശവാസികൾക്ക് മാത്രം അറിയുന്ന ഒരിടമാണ്. ആന കാല്വഴുതി വീണ് മരിച്ചെന്നാണ് പേരിനു പിന്നിലെ കഥയെങ്കിലും നൂറുശതമാനം സുരക്ഷിതമാണ് ആനച്ചാടികുത്ത് വെള്ളച്ചാട്ടം. കുട്ടികളുള്പ്പെടെയുള്ളവര്ക്ക് ധൈര്യത്തില് ഇറങ്ങാവുന്ന അപകടമില്ലാത്ത ഒരു വെള്ളച്ചാട്ടമാണിത്. അതിനാല്ത്തന്നെ ഒന്നും പേടിക്കാതെ ഇവിടെ കുട്ടികളെയും കൂട്ടി സമയം ചെലവഴിക്കാം.
എത്തിച്ചേരാൻ ഇടുക്കിയിലെ തൊടുപുഴയില് നിന്നും കരിമണ്ണൂര് വഴി തൊമ്മന്കുത്ത് ടൗണ് വഴിയാണ് ആനക്കുത്തിചാടി വെള്ളച്ചാട്ടത്തിലേക്കുള്ള വഴി. തൊമ്മന്കുത്ത് ടൗണില് നിന്നും വണ്ണപ്പുറം റൂട്ടില് ഒരുകിലോമീറ്റര് അകലെയാണ് ഈ വെള്ളച്ചാട്ടം സ്ഥിതി ചെയ്യുന്നത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ